~

21 نوفمبر 2010

][®][^][®][ياترى هقدر ]؟[®][^][®][

الكلام آصبح غالي ومعاه العقل بيعاني

حاولت آكتب وافكر لقيت كل كلامي اتبخر

قلت لا يا قلمي ساعدني قويني وخرجني من حيرتي

رد عليا وقالي منين آكتب حروفي

وانتى الحزن ساكنك ؟

حاسس بيكي ومن عنيكي شايف

\\

سألته شايف ايه فى عيوني؟

رد وقالي شايف كلام ما يتقال

حيرة

ضياع

عذاب


ودموع مخنوقه


بتحاول تهرب شايفك مسجونه

حتى نفسك رافض يخرج

موال حزين ساكنه الآنين


\\


آآآه و آآآه يا قلمي

لحظات السعادة معدوده

كل ما اعيشها تنتهى بسهولة

وآرجع تاني لحيرة تملكني

ليه آنا من بنات عصري

ليه دايماً حاسه انى وحيده


طالعه من صدري الآهه بتنهيده

تحرق ضلوعي

تطفي شموعي

تملا عيوني بدموعي










نفسي اعيش بجد نفسي آهرب منى

آروح لإنسانه تانيه تسكني

قلبي مليان حزن وكأبه

حاسة الدنيا حواليا غابة

كراهيه

حقد

قسوة ساكنه قلوب الناس


\\


طيب آروح فين وأجيب الإحساس منين


رد قلمي بعد ما سمع كلامي


وعايزاني آساعدك ؟ واحاول آكتب !!


حاولي انتى تساعديني خرجينى من يأسك

وبالفرحه شجعينى وقوينى

وعلى الورقة البيضه ارسمينى

\\



افتحي طريق السعادة


انسي المرار والكآبه

عيشى حياتك

شوفي من الدنيا جمالها

سماها بلونها الآزرق

طيورها بلونها الآبيض

ورودها بألوانها الجذابه

الحياة جميلة وربنا خالقها

نعيشها ونقول سبحانك



\\


خلق كل شىء فيها جميل

ومنها قدامك ألف دليل

عيشي حياتك بكل سعادة

ساعتها الآهه هتبعد عنك

والراحه هتسكن قلبك

وهتشوفي الدنيا جميلة

بصحبه صادقه آصيله

وقتها أقدر اكتب احساسك

والاقي من الحروف ألووف

تكتب من غير خوف

آرقــ وآصدق مشاعر

حاولي

واتغلبي على آحزانك

وآنا فى انتظاركــ

\\



وخلص الحبر من قلمي

بنهاية كلامه معايا

تفتكروا هسمع كلامه ؟

وهقدر اكتب من تاني

وأعيش بسعادة آيامي ؟

هو ده سؤالي

ياترى هقدر ؟










\\

يا ترى هقدر ؟؟