~

04 مارس 2009

][®][^][®][زمن الثعالب][®][^][®][

يا زمن ثعالب و ديابــــــــة
و وشوش منافقة و كدابــة
و قلوب ما تعرف طيابـــه
والله يا ابنى احنا فى غابــة
فيها الضعيف دايما ينــداس
والقوة فيها سلاح وأســاس
وعشان تعيش قوى بين الناس
لازم تـــدوس ع الغلابــــــة
يا زمن ثعالب و ديابـة
يا زمن خيانة و كدب وزيف
و زور و مكر ملان تحريف
مفيهوش مكان لحد شريف
وبكرة جي بشر مخيـــــــف
استر يارب الطف يا لطيــف
من دنيا خاينــة و قلابــــــة
يا زمن تعالب وديابة
زمان قالونا الناس للناس
يجمع ما بينا الحب أســــاس
دلوقتى شوف بقى حال الناس
متفرقين أخماس واســــداس
شوية عاملين سياسى
كاتمين على الروح والأنفاس
وشوية معدومي الإحساس
وشوية عايشين كده وخلاص
أما القلوب الطاهرة الماس
دول محبوسين داخل اقفاص
عشان فى روحهم نخوة
وملينين خير و طيابـــــــــــة
يا زمن ثعالب وديابة

هناك 6 تعليقات:

أنا حر يقول...

ايه الجمال ده
احلى تلخيص لدنيتنا باحلى كلام
تحياتي

د/أبويحيى وادم يقول...

السلام عليكم ورحمه الله وبركاته

السادة الأفاضل زوار مدونتي الأعزاء ، أساتذتي الفضلاء ، إخوتي من المدونين والمدونات ،أصدقائي الأعزاء
تحية طيبة وبعد
أتشرف بدعوتكم اليوم إلى زيارة مدونتي ( مدونة ادم ويحيى ) وذلك بصفتكم أحد الشركاء الأساسين فيها بآرائكم وتعليقاتكم على موضوعاتها وزيارتكم لها
لحضور ندوة بعنوان

( ادم ويحيى ، تجربة تدوين )

اليوم هو استفتاء على تجربة تدوين

اليوم نعرف من هو أبو يحيى وادم وكذلك ادم ويحيى من هم ومن والدتهم

اليوم نعرف حقيقة هذه المدونة وما هي رسالتها الحقيقة وهدفها

اليوم رسالة اعتذار لكم عن بعض الأمور

اليوم رسالة شكر من كل قلبي على أمور أخرى

اليوم استفتاء حول منهج مدونة ادم ويحيى

اليوم هو رسالة منكم لي حول ما طالعتموه بيوم من الأيام بهذه المدونة
فأرجوا أن لا تبخلوا على بتعليقكم على هذه ألتدوينه
في انتظار زيارتكم
والسلام عليكم ورحمة الله وبركاته
د/أبو يحيى وادم

نهر الحب يقول...

انا جيت
كيف حالك؟
يارب تكونى بخير انتى لية مختفية مخصمانى ولا اية
يارب تكون كل امورك طيبة
تحياتى واحترامى لك

دينا الغزولي يقول...

احساسك واضح جدا من جمال المدونة

واختيار الالوان والصور يدلان ع ذوق بجد راقى

أنا محتاجه زيارتك مدونتى

لانها جديدة وانا عايزه أتعلم أظبطها

شكرا ياقمر

دينا الغزولي يقول...

احساسك واضح جدا من جمال المدونة

واختيار الالوان والصور يدلان ع ذوق بجد راقى

أنا محتاجه زيارتك مدونتى

لانها جديدة وانا عايزه أتعلم أظبطها

شكرا ياقمر

miada ref3at.. يقول...

بصراحه..

انتى قولتى كل اللى انا كنت عاوزه اصرخ واقولله..
بعلو صوتى..هى دى حال الدنيا..

ووحشتينا بكلماتك وتعليقاتك..