ليه مش قادرة افرح ليه
نسيت شكل الفرحه الحقيقي
نفسى اضحك من قلبى مره
مهى الناس كلها حوليا بتضحك
اشمعنى انا اللى مش بضحك من قلبى
ليه الابتسامه مرسومه على وشى
انما جوايا حزين مش بحس ان الفرحه بتلمس قلبى
واحساس الحزن والاحباط مسيطر عليا وبيلفوا
خيوطهم حوالين قلبى خصوصا" ان العمر بيجرى
والسنين مش حاسة بيها عايزة اصرخ واقول نفسى
ياناس افرح من قلبى يوم واحد نفسى اعيش الفرحه
هى الفرحه الحقيقيه شكلها ايه
نفسى اضحك ضحكه حلوه من قلبى بس خايفة من الفشل
لان قلبى خلاص صداا
خايفة اضحك احسن الناس يفتكرونى سعيدة
نفسى اضحك من قلبى ياربى ضحكه حلوه وافرح
هو انا مليش الحق افرح
العالم حوليا يضغط عليا وينزع كل راحه فى داخلى
ويطالبنى بالكثير فوق طاقتى ووقتى وكل امكانياتى يبقى ازاى افرح
ولما احاول الاقتراب منك يارب وتبدأ نفسى فى الهدوء
واحس براحه وادوق بالفعل حلاوه الفرح الحقيقى ويوم بعد يوم
ترجع تانى ظروفى تتغير وتتقلب الحياه
وينتزع الفرح تانى من قلبىويرجع القلق والخوف
والاقى كل شىء مش مضمون فى الحياه يبقى هاضحك وافرح ازاى
للاسف
كلنا بندور على الطريقه
طريقه تخلينا نفرح ونضحك
لكن مش بندور على الطريق
صدقونى
الحل الوحيد
ندور على الطريق وليس الطريقه
ليه الحياة لحظة ...!
ليه دايما مش راضيين باللي في ايدينا ....
واللي راضي بيروح منه ...
ليه دايما بندور ...
ليه دايما بندووووووووووووور ..
ليه دايما بندور علي الأنا ... خارج حدود الانا ...
ليه دايما الابتسامة مخلوق غريب نشوفه نستغرب ...
ليه دايما عيونا هناك .. وناسيين هنا .. !!
ليه السد عالي ... واللي وراه غالي ...
ليه بناخد الامل من قلب المستحيل ...
وآخر الامل ... (كام حرف يتبدلو )
